SiRaja Siburian

SiRaja Siburian mangalap boru, ima boru Tamba sian Samosir, jala tanggal di Muara do ibana jala sian ni ma marpinompar anggo anak na :

Anak na Dua (2) halak, ima :

1. Tuan Nahum ( Marhuta di Muara).
2. Tuan Napang (Marhuta di Muara)

Tuan Nahum

Hatorangan :

Anak na : Sada (1) halak, ima :

SiRaja/Guru Sororangon jala di goari Naoangon (Marhuta Di Muara).

SiRaja/Guru Naoangon mapinompar dua (2) halak, ima :

1. Op. Sionang di goari Sihonongan marhuta di Muara.
2. Tuan Turutang di goari Lumban Barat, mangalap boru Napitupulu ima boru ni Begu Laos (Songkal Barita), jala marhuta di Muara.

Tuan Napang

Hatorangan :

Tuan Napang mangalap boru Tamba sian Samosir boru ni Tulang na jala dilehon Pauseang sada Ulok balgana nasa Solup ( Ulok Sibaganding Tua goarna) Jala marhuta ibana di Muara. Dungi marpinompar ma ibana, jala anak na dua (2) halak, ima :

1. SiRaja Lumban Naungkup ( Parbaju Bosi ).
2. SiRaja Lumban Sialaman ( Datu Panggana, Op.Mora Debata )

SiRaja Lumban Sialaman (Gelar Ompu – Raja Sialaman)

Ompu Raja Sialaman Mangalap boru ni Raja SiBUEA Ompu Tahan Aji jala Goarna Sortalan Nauli sian huta Laguboti.

Hatorangan :

1. Diharajaon Margoarma ibana Ompu Raja Sialaman. Diharajaon ibana ma Raja ujui Dinalontungan jala ibanan ma muse namarporang dohot Sumba laho mangingani tano Paranginan. Jala menurut turi-turian borhat ma Ompu Raja Sialaman tu Ginjang (Nangkok) sian Muara tu Paranginan, laho marporang dohot Sumba. Jala dibahendo perjanjian diseatma hoda jala dipadalanma hodai mulai sian sipintu-pintu sahat tu siborong-borong (Silangit Pancuan Kuda). Jala Ompu Raja Sialaman marhuta di Muara do, ala dung monang ibana marporang gabe dibaenma huta na di Paranginan alai dang ditinggalhon hutana, jala di harajaon na dibahwn ma Haha na Panglima na ima Lumban Naungkup (Parbaju Bosi), jala huta ni pinompar ni Ompu Raja Sialaman hira-hira di tonga-tonga ni Paranginan do.
2. Dihadatuon margoarma ibana DATU PANGGANA, menurut turi-turian dang adong naumbotosa manang didia anggo KUBURAN ni Ompu Raja Sialaman jala adong mandok gabe si sombaon do ibana.
3. Dihamoraon margoarma ibana OMPU MORA DEBATA, dihamoraon Ompu Raja Sialaman hea do marpesta selama sabulan lelengna, manang marunjut goarna.

Ompu Raja Sialaman pittor torop do angka pinomparna, jala sude angka pinomparna on godang na opat ( 4 ) halak sada boru, ima :

1. Datu Manongon
2. Bahut Raja
3. Saribu Raja
4. Datu Ari. dohot

Warisan ( Ompangan ) tu anak dilehon menurut turi-turian dohot menurut persini Datu Manongon, Saribu Raja dahot Datu Ari ima :

1. Tu Ompu Datu Manongon dilehon Ompu Raja Sialaman ima Sada Piso Tattam Debata.
2. Tu Ompu Bahut Raja dilehon Pmpu Raja Sialaman ima Ogung Si Boru Loma.
3. Tu Ompu Saribu Raja dilehon Ompu Raja Sialaman ima Giring-giring Siantar Sabungan
4. Tu ompu Datu Ari dilehon Ompu Raja Sialaman ima Hujur Simangarata.

Boru na Siburu Pangantaran Muli tu Napitupulu, goarna Songkal Barita.

Alai dibahen Ompu Raja Sialaman ma gelar na muse Begu Laos. Menurut angka turi-turian roma Napitupulu tu Muara laho manopot boru ni Ompu Raja Sialaman.

Boru ni Ompu Raja Sialaman nauli do jala dang hea on dibereng si Napitupulu jala langsung si Napitupulu manopot tu Ompu Raja Sialaman. Dung leleng Napitupulu roma Ompu Raja Sialaman didokma tu Napitupulu bahen majolo jagal ( Juhut ) panganon hu naso hea dope dipangan jolma. Borhat ma Napitupulu ( Songkal Barita ) mardatu, jala laos datu na do diseat Songkal Barita laos dijomur ma dimataniari dungi diboan ma tu jabu ni Ompu Raja Sialaman, jala dung hira-hira naeng habis jagal nabinoan ni Songkal Barita didok lae na ma, “ia buat jolo jagal nabinoan mi, Napitupulu !”.

Alai dialusi Napitupulu do, ida hamu disi Raja nami, di inganan nai, laos roma sada sian anak ni Ompu Raja Sialaman dibereng ma tu inganan na laos tarjama obuk. Jala pittor diangkat hape ulu ni jolma do, dungi disungkun ma Napitupulu, “ai boasa bahenon mu songonon panganan hu”!..Dialusi Napitupulu ma, Raja I mandok ahu mangalului jagal nasohea di pangan jolma, mulai sian ima muse laos dibahen Ompu Raja Sialaman ma gelar “BEGU LAOS” ( artinya: Setan Pergi )

sumber : http://kabarriau.com/ penulis A. BENNY P. SIBURIAN

Tweet

Subscribe to receive free email updates: